L Cunsëi de furmazion de Sëlva ie unì mpé dl 1999 y ie metù adum da cumëmbri dla lies dl luech.
L fin dl Cunsëi ie chël de cuordiné la manifestazions, per schivé, plu che la va, che chëstes ne ruve nia nsëuralauter y l ne vënie nia a se l dé dublëtes. N servisc mpurtant dl Cunsëi ie chël de dé ora la plata dla manifestazions tla plata de nfurmazion dl chemun. Pité ideies nueves o nrescì i bujëns de n luech, fé proiec y tré ite duta la lies a fé pea ie n auter pont che i Cunsëies se tol dant.
La lies che fej pert dl Cunsëi pieta ntan dut l ann d’uni sort de scumenciadives che cuer truep ciamps culturei. L vën metù a jì referac y seminares che trata de argumënc coche la sanità, l’educazion, tematiches religëuses, mujiga, teater, mostres o ert. L vën tenì cursc d’uni sort, sëires de nfurmazions, jites cultureles ma nce scumenciadives tl ciamp dl sport y festes.
L Cunsëi de furmazion de Sëlva vën lità uni 5 ani. Dl cunsëi atuel fej pert:
dut. Lukas Plancker (presidënt), dut. Rudolf Mussner (vizepresidënt), rag. Tullio Mussner (cassier), Milva Mussner (n rapresentanza dl Chemun de Sëlva), Marta Senoner Mussner,
Atività - www.manif.it
La manifestazions dl Cunsëi de furmazion de Sëlva ie da pudëi liejer do sun la plata internet www.manif.it che vën atualiseda tresora.